上回王子和大家分享過台式古早味滷肉飯，及醉雞蒸飯等不同形式的米飯料理，今集王子還原基本步，重返港式茶記好滋味，教大家煮一味「白汁芝士焗豬扒飯」。
每次說起焗飯，除了經典的鮮茄芝士焗豬扒飯外，白色的雙胞胎「白汁焗豬扒飯」特別以粒粒分明的金黃炒飯底，加上煎得香口酥軟的豬扒，配上焗得半溶焦香的瑞士芝士，深得無數食客歡心，
今集的《王子煮場》，王子將會示範「白汁焗豬扒飯」，亦會分享自家炒飯秘技。同時，亦適逢疫情反彈，餐廳亦需要暫停晚市，正好讓大家在家DIY焗豬扒飯，在家享受美食之餘，廚藝又更進一步。
材料：
步驟：
1. 將冷藏麵糊用細火慢煮翻熱
王子小貼士：初翻熱時，麵糊會較為杰身。王子表示，可以加入牛奶或上湯，推至平滑。
溫故知新：DIY 香滑麵糊
2. 平底鑊落油加熱 – 大火煎豬扒至8成熟/表面焦香即可
王子小貼士：煎扒後，記得用錫紙將肉扒包好，保溫同時，亦可以鎖實肉汁。
(小編提提你：煎豬扒固然香口美味，但想健康少油，其實用氣炸鍋一樣得！)
炒飯篇：
3. 準備炒飯：首先準備蛋漿，然後把蛋漿和白飯拌勻，鬆開結塊的冷飯。
4. 燒紅鑊落油，將整個鑊均勻鋪滿油，加入蛋漿飯拌炒。
王子小貼士：炒飯時，記起不要壓實飯，反而要炒鬆米飯。
5. 炒飯至粒粒分明後，加入3/4杯蓋份量的紹興酒，令飯粒吸滿酒香。後加少許白胡椒粉、鹽調味 。
王子提提你：炒飯是鋪在白汁豬扒上，王子表示避免加入太多調味，令味道更為複雜。
6. 王子炒飯秘訣：在炒飯中間撥開空位，加入額外的蛋漿推開，在蛋半生熟時推入飯裏面炒熟。
7. 熄火後加入蔥花
8. 將三色甜椒、洋蔥切塊快炒，加入黑椒、鹽調味。然後把大半甜椒洋蔥加入麵糊，開細火加熱。
組裝篇：
9. 將豬扒切塊，鋪上飯面，然後淋上麵糊。
10. 把留起的甜椒洋蔥鋪上，灑上芝士碎。
買餸小貼士：揀芝士時，用水牛芝士（Mozzarella）是最為穩陣的。有預算的話，亦可選擇來自瑞士的Raclette芝士，味道會更佳。
11. 焗爐預熱至220度，焗10-15分鐘，後將焗爐調至grill mode燒8分鐘
12. 出爐！食得！
文/整理：J Lee
拍攝/剪接：WAW Creation